 |
Beliefs | Future | Medical | Topics | Contact Us | Publications | Languages |
| Ino mô Raha Angahoin-Jagnahary Amintsika? | Fianaragna Faha-10  |
Raha Fanoigna Halan-Jagnahary |
|
 |
Karakôry mô tôkony hiheveranô reo raha zaken-Jagnahary fô tsy manjary? (1) |
|
Ino aby karazagna firesagna ara-nofo tsy manjary? (2) |
|
Karakôry mô tôkony hiheverany Kristianina ny mandenga? (3) ny miloka? (3) ny mangalatra? (3) ny fitiavagn’ady? (4) ny ôlogna magnaody? (5) ny mamo? (6) |
|
Karakôry ny fômba ialagna amin-draha fanoigna tsy manjary? (7) |
1. Tia raha tsara ny mpanompon-Jagnahary. Tsy mentsy mianatra mankahala raha tsy manjary koà anefa zareo. (Salamo 97:10) Dikany zegny, halaviriny reo raha fanoigna halan-Jagnahary. Ino aby mô sasany amin-jegny? 2. Fijangajangagna: Magnano firesagna kanefa mbôla tsy manambady, misengy, manambady biby, mandôza, avakeo lilahy manambady lilahy, na koà viavy samby viavy, de fahotagna be amin-Jagnahary aby. (Levitikosy 18:6; Romanina 1:26, 27; 1 Korintianina 6:9, 10) Izikoà misy ôlon-droy minamagna tragno reka, kanefa tsy vita mariazy de tôkony hisaraka zareo, na hanambady ara-dalàgna.—Hebreo 13:4.
3. Mandenga, miloka, mangalatra: Tsy mahe mandenga Zagnahary. (Titosy 1:2) Tsy tôkony handenga zegny ôlogna ti-hiken-Jagnahary. (Ohabolana 6:16-19; Kolosianina 3:9, 10) Misy fitiavam-bôla foagna izikoà fa filokagna. Tsy mbô miloka zegny arika ny Kristianina, na lôteria io, na hazakaza-tsôvaly, na lôtô, na ino na ino. (Efesianina 5:3-5) Tsy mangalatra koà ny Kristianina. Tsy mivanga raha nangalarigna zareo, sady tsy malaka raha tsy nangahoigna.—Eksodosy 20:15; Efesianina 4:28. 4. Vignitra be, tia miady: Mety hanjary tia ady ny ôlogna tsy mahatagna havigniragna. (Genesisy 4:5-8) Tegna tsy hanjary naman-Jagnahary velively ny ôlogna tia ady. (Salamo 11:5; Ohabolana 22:24, 25) Tsy manjary ny mamaly faty na mamaly raha tsy manjary nanoin’ôlon-trafa tamintsika.—Ohabolana 24:29; Romanina 12:17-21. 5. Tsitsik’ampognosavy avakeo ôlogna magnaody: Misy magnantso raha tsy hita maso mbôra hahazo hery hitahàgna aretigna. Misy ndreka tegna mitsitsika ny rafiny mbôra hamparary na koà hafaty ananjy. Hery avy amin’i Satana ny ambadika raha jiaby zegny. Ny Kristianina arika tsy tôkony handray anjara amin-jegny. (Deoteronomia 18:9-13) Ny fidokoagna marivo an’i Jehovah no fiarôvagna farany tsara amy tsitsika mety hanoin’ôlon-trafa andeha hanolahagna antsika.—Ohabolana 18:10. 6. Mamo: Manjary inomigna aby ny divegna, labiera, na toaka hafa, izikoà tsy betsaka. (Salamo 104:15; 1 Timoty 5:23) Tsy manjary akeo imason-Jagnahary ndreka ny magnaram-pô amy toaka amboàny mamo. (1 Korintianina 5:11-13; 1 Timoty 3:8) Mankarary sady handrava tôkantragnonô ny finoman-toaka dila loatra. Lasagna ho môra resiny fagniriagna hagnano raha tsy manjary hafa koà anô trakatr’izio.—Ohabolana 23:20, 21, 29-35. 7. “Tsy handôva ny Fanjakan-Jagnahary” zegny zatra magnano raha zaken-Jagnahary fô tsy manjary. (Galatianina 5:19-21) Ho efanô miala amin-draha fanoigna zegny izikoà tegna tia Zagnahary anô sady ti-hampiravo ananjy. (1 Jaona 5:3) Mianara mankahala zegny raha zaken-Jagnahary fô tsy manjary. (Romanina 12:9) Alevo namagna ôlogna zatra magnano raha tsara. (Ohabolana 13:20) Hahefa hagnampy anô reo Kristianina matotra namanô. (Jakoba 5:14) Ankoatra raha jiaby zegny, de mitavandrà fitahian-Jagnahary amy vavaka.—Filipianina 4:6, 7, 13. |
||
Nanoigna pirinty tamy 2007 |
 |
Copyright © 2009 Watch Tower Bible and Tract Society of Pennsylvania. All rights reserved. |
|
