 |
Beliefs | Future | Medical | Topics | Contact Us | Publications | Languages |
| Ino mô Raha Angahoin-Jagnahary Amintsika? | Fianaragna Voalôhany  |
Karakôry Amantaranô Raha Angahoin-Jagnahary? |
|
 |
Ino aby raha tegna tiany Beboly koragnina amintsika? (1) |
|
Avy tamin-jôvy mô Beboly io? (2) |
|
Magnino mô anô vô tôkony hianatra Beboly? (3) |
1. Raha tegna tsara namian-Jagnahary ny Beboly. Karaha taratasy nalefan’iabany ho an-janagny tegna tiany izio. Zakeny amintsika hoe zôvy marigna mô Zagnahary, ino aby raha angahoiny amintsika. Atorony raha manjary anoigna izikoà fa misy raha manahiragna, amboàny fômba ahitagna tegna fahasambaragna. Beboly izy reka foagna magnatoro raha tsy mentsy anoigna mbôra ampiravoagna Zagnahary.—Salamo 1:1-3; Isaia 48:17, 18. 
2. Takekeo amy lilahy 40 nanôratra Beboly, tagnatiny 1 600 tôgna. Nagnampôgna tamy tôgna 1513 talôhany nahatirahan’i Jesosy izegny. Boky hely 66 mahafôrogna ny Beboly. Nampidiran-Jagnahary hevitra takô amin-jareo nanôratra Beboly de igny hevitra azon-jareo igny avy takeo nisoratan-jareo fô tsy heviny. Avy amin-Jagnahary agny an-dagnitra arika ny Beboly, fô tsy avy tamin’ôlombelogna ambôny tany aketo.—2 Timoty 3:16, 17; 2 Petera 1:20, 21. 3. Nagnomià toky Zagnahary fô nadika tamy fômba marigna sady nakajigna tsara ny Beboly. Izikoà ampitovigna ny isany boky efa navoaka, de Beboly no tegna maro. Tsy ze ôlo-jiaby ze ravoravo mahita anô mianatra Beboly, kanefa zegny aza atônô anton-draha ampiahagna anô. Ilenô mahe Zagnahary sady magnano sitrapôny, sambà misy manakagna aza. Miankigna amin-jegny fiegnanô mandrakizay aminy hoavy.—Matio 5:10-12; Jaona 17:3. |
Nanoigna pirinty tamy 2007 |
 |
Copyright © 2009 Watch Tower Bible and Tract Society of Pennsylvania. All rights reserved. |
|