Bikidil gwoñ i gwélél Djob

1. Inyu yila liwanda li Djob, u nlama bana bañga yi i maliga ma Bibel (1 Timôtéô 2:3, 4), u hémle i mam u nigil (Lôk Héber 11:6), u tam bibéba gwoñ (Minson mi baôma 17:30, 31), ni hiel niñ yoñ yosôna. (Minson mi baôma 3:19) Ha nyen gwéha yoñ inyu Djob i nlama nyuge we le u ti nye wemede nkikip. Hala a nkobla le u nsoohe nye we tama, u kal nye ni ndip yoñ ñem le u nti nye wemede i boñ sômbôl yé. — Matéô 16:24; 22:37.

2. Ngéda u mal ti wemede nkikip yag Djob, u nlama sôblana. (Matéô 28:19, 20) Sôble i nyis hi mut le u mal ti wemede nkikip yag Yéhôva. Inyu hala nyen sôble i yé ndik inyu bôt ba yé nañag jôga inyu yoñ bikidil i gwélél Djob. Ngéda ba nsôble mut, ba nlama yinis nyensôna ikété malép inyu ndég ngéda.* — Markô 1:9, 10; Minson mi baôma 8:36.

3. Ngéda w’a mal ti wemede nkikip, Yéhôva a’ bem le u bôñôl nye kiki u mbôn. (Tjémbi 50:14; Ñañal 5:4, 5) Nsohop a’ noode boñ le u nwas gwélél Yéhôva. (1 Pétrô 5:8) Ndi tiige Djob bebe ni njel masoohe. (Filipi 4:6, 7) Nigil Bañga yé hi kel. (Tjémbi 1:1-3) U adbe ntôñ wé. (Lôk Héber 13:17) Ibale u mboñ mana mam momasô, w’a bana ngui i téñbe gwélél Djob. Hala nyen, i boga ni boga, w’a la boñ mam Djob a mbat we le u boñ!

Ba i yé le i lémél we le u kôs bi niigana bipe? Wee tilna Mbôgi Yéhôva ni njel nomba nku bikaat i i kôli. Nkuu bikaat

* Inyu bôñha sôble, i mbéda we le u nigil kaat ini le La connaissance qui mène à la vie éternelle, tole kaat ipe i mpôna yo i i bi tilba ni Watch Tower Bible and Tract Society.

Copyright © 2006 Watch Tower Bible and Tract Society of Pennsylvania. All rights reserved.