Wulundyö Inot i Kitakindya na Ŋun

1. Anyen do gwon a ju lo Ŋun, do ködyö gwon ko dendya na’but na to’diri na Bibilia (1 Timoteo 2:3, 4), tindu na yupet i ŋo nagon do a jujumun kine (Ebere 11:6), löpuggö na toronjin kunök (Konesi 17:30, 31), ko woyoja na kiko lo gwiliŋit ilot. (Konesi 3:19) A kirut nyarju inot na Ŋun ködyö jujukindye do anyen pakindya mugun ko lepeŋ. Ŋina kweja adi do geleŋ ko mugun, i kwaset ilot geleŋ takindya lepeŋ adi do ’dek pakindya mugun i kondya na ’deket nanyit.—Matayo 16:24; 22:37.

2. I mukök nagon do aje pakindi mugun ko Ŋun, do ködyö babatisa. (Matayo 28:19, 20) Batisimo nye na tikindya ŋutu liŋ i dendya adi do aje pakindya mugun ko Yekowa. Nyena batisimo na tuŋ a na se logon a gulukin ko bubulö wulundyö kitakindya na Ŋun. Ko ŋuto a batisa, mugun nanyit liŋ ködyö tölupöji i pioŋ lukata ko diŋit a na’dit.*—Marako 1:9, 10; Konesi 8:36.

3. I mukök nagon do aje paju mugun, Yekowa yiyinikin do i kugga na milye ilot. (Saumajin 50:14; Katokuönit 5:4, 5) Kaŋöönit lo mo mömör teŋgu na do kunök i kitakindya na Yekowa. (1 Petero 5:8) Ama miju nyona ko Ŋun i kwakwadu. (Pilipoi 4:6, 7) Jujumbi Kulyaet lonyit temba i perok liŋ. (Saumajin 1:1-3) ’Depakindi nyona ko lomomorja. (Ebere 13:17) I kondya na kine ŋo liŋ, do mo ryöryö riŋit na gwoloŋ a loyiyiniki ko Ŋun. Tojo ko diŋitan liŋ na popo do bubulö kondya ŋo liŋ nagon Ŋun ’de’dekuri könut!

Do yöyöŋö kunie tokoresi kode jujumbu na Bibilia ’bak ropet, wuröki Katokorok ti Yekowa ko adres na jujukin nagwon kak I na waraga. adres

* Jujumbu na Knowledge That Leads to Everlasting Life, kode buk nagwon jojo na wurö ko Watch Tower Bible and Tract Society, a rukölö i tetenarikin na batisimo.

Copyright © 2006 Watch Tower Bible and Tract Society of Pennsylvania. All rights reserved.