 |
Beliefs | Future | Medical | Topics | Contact Us | Publications | Languages |
| Ala bɛ mun wajibiya anw ma? | Kalansen 10  |
Ala bɛ kɛwale minnu kɔniya |
|
 |
Ala ko fɛn minnu man ɲi, i ka kan ka mun miiri o fɛnw ko la? (1) |
|
Cɛnimusoya ta fan fɛ, taamacogo sifa jumɛnw de man ɲi? (2) |
|
Krecɛnw ka kan ka mun miiri nkalon ko la? (3) sobon ko la? (3) sonyɛni ko la? (3) farinya ko la? (4) jinɛweleli ko la? (5) kiribili ko la? (6) |
|
Mɔgɔ bɛ se ka hɔrɔnya ka bɔ kɛwale juguw la cogo di? (7) |
1. Ala ka baarakɛlaw bɛ ko ɲuman kanu. Nka, u ka kan fana k’a dege ka ko jugu koniya. (Zaburu 97:10) O kosɔn, Ala bɛ kɛwale minnu kɔniya, u ka kan k’u tanga olu ma. O kɛwalew dɔw ye jumɛnw ye? 2. Jatɔya: Ka cɛnimusoya kɛ sanni furu ka kɛ, ka jɛnɛya kɛ, ka jɛ bagan walima i balima fɛ, k’i cɛɲɔgɔn walima i musoɲɔgɔn ɲini, olu bɛɛ ye jurumubaw ye minnu bɛ Ala kota. (Levitike 18:6; Romɛkaw 1:26, 27; 1 Kɔrɛntekaw 6:9, 10) Ni cɛ ni muso dɔ sigilen bɛ ɲɔgɔn kun ka sɔrɔ furusiri ma kɛ, u ka fara walima u k’u ka furu kɛ ka kɛɲɛ ni sariya ye.—Heburuw 13:4.
3. Nkalon, Sobon, Sonyɛni: Jehowa Ala tɛ se ka nkalon tigɛ. (Tite 1:2) Mɔgɔ minnu b’a fɛ Jehowa ka sɔn u la, olu fana ka kan k’u tanga nkalon ma. (Ntalenw 6:16-19; Kolosekaw 3:9, 10) Sobon sifa bɛɛ nɔgɔra wasabaliya fɛ. O kosɔn, Krecɛnw sen tɛ sobon sifa si la, i n’a fɔ lotori, soboli ani bingo. (Efesekaw 5:3-5) Krecɛnw tɛ sonyɛni kɛ. U t’u tugu ka fɛn sonyɛnen san, walima ka fɛnw ta ni yamaruya ma di u ma.—Ekisode 20:15; Efesekaw 4:28. 4. Dusubɔliw, Farinya: Ni mɔgɔ m’a dusu minɛ, o bɛ se ka na ni farinya kow ye. (Jenɛse 4:5-8) Mɔgɔ farinman tɛ se ka kɛ Ala teri ye. (Zaburu 11:5; Ntalenw 22:24, 25) A man ɲi ka tajurusara kɛ walima ka juguya sara ni juguya ye.—Ntalenw 24:29; Romɛkaw 12:17-21. 5. Jinɛmoriyakow ani jinɛweleli: Mɔgɔ dɔw bɛ wele bila jinɛw ma walasa k'a ɲini ka banaw kɛnɛya. Dɔ wɛrɛw b’u juguw bon walasa k’u bana walima yɛrɛ k’u faga. Sitanɛ ye fanga juguman ye min sen bɛ nin kɛwalew bɛɛ la. O kosɔn, Krecɛnw t’u sen don o fɛnw suguya si la. (Dutɛrɔnɔmɛ 18:9-13) Ni mɔgɔ dɔ y’an bon, an bɛ se ka lakanani bɛɛ la fisaman sɔrɔ n’an nɔrɔlen bɛ to Jehowa la.—Ntalenw 18:10. 6. Kiribili: Ka diwɛn, biɛri, walima dɔlɔmafɛn dɔɔnin min, o tɛ kojugu ye. (Zaburu 104:15; 1Timote 5:23) Nka, ka dɔlɔ min ka dama tɛmɛ, walima k’i kiribi, o ye ko jugu ye Ala ɲɛkɔrɔ. (1 Kɔrɛntekaw 5:11-13; 1Timote 3:8) K’i min kojugu, o bɛ se k’i ka kɛnɛya n’i ka denbaya ka ɲɛnamaya kɛcogo fana tiɲɛ. A bɛ se fana k’i labin teliya la kɔrɔbɔli wɛrɛw la.—Ntalenw 23:20, 21, 29-35. 7. Ala ko fɛn minnu man ɲi, mɔgɔ minnu bɛ to k’o fɛnw kɛ, “olu tɛna Ala ka masaya sɔrɔ tiɲɛ na.” (Galasikaw 5:19-21) N’i bɛ Ala kanu sɛbɛ la, ani n’i b’a fɛ i ko ka diya a ye, i bɛ se k’i hɔrɔnya ka bɔ nin kɛwalew bɛɛ la. (1 Yuhana 5:3) Fɛn minnu ye ko juguw ye Ala fɛ, an k’a dege k’o fɛnw kɔniya. (Romɛkaw 12:9) Mɔgɔ minnu ka kɛwalew ka di Ala ye, i k’i fara olu kan. (Ntalenw 13:20) I jɛɲɔgɔn Krecɛn mɔnenw bɛ se k’i dɛmɛ. (Yakuba 5:14) Ka tɛmɛ o bɛɛ kan, i ka da Ala la, k’a ka dɛmɛ ɲini delili la.—Filipekaw 4:6, 7, 13. |
||
A dilanna san 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
