 |
Beliefs | Future | Medical | Topics | Contact Us | Publications | Languages |
| Ala bɛ mun wajibiya anw ma? | Kalansen 9  |
Ala ka baarakɛlaw ka kan ka saniya |
|
 |
Mun na an ka kan ka saniya cogo bɛɛ la? (1) |
|
A kɔrɔ ye mun ye ka saniya alako ta fan fɛ? (2) taamacogo la? (3) miiriya la? (4) farikolo ni so ta fan fɛ? (5) |
|
An ka kan k’an tanga baro nɔgɔlen sifa jumɛnw ma ? (6) |
1. Jehowa ye Ala saniyalen ni Ala senuman ye. A sigilen bɛ n’a ye a batobagaw ka to saniya la—alako ta fan fɛ, taamacogo la, miiriya la, ani farikolo la. (Piɛre 1:16) An ka kan k’an jija walasa ka to saniya la Ala ɲɛkɔrɔ. An bɛ diɲɛ nɔgɔlen de la. An ka kan ka baari ta an kɔnɔnamiiri juguw fɛ walasa u kana an bila ka kojugu kɛ. O la sa, an man kan k’o baarita dabila. 
2. Saniya alako ta fan fɛ: N’an b’a fɛ ka baara kɛ Jehowa ye, an man kan ka nɔrɔ diinɛ nkalonma kalansiraw n’a ladaaw la. An ka kan ka bɔ diinɛ nkalonma na. An man kan k’u kɔkɔrɔdon cogo si la. (2 Kɔrɛntekaw 6:14-18; Jirali 18:4) N’an bɛ tiɲɛ dɔn kaban Ala ko la, an ka kan k’an kɔlɔsi walasa an kana lafili mɔgɔ fɛ mɔgɔ minnu bɛ mɔgɔ wɛrɛw kalan nkalon na.—2 Yuhana 10, 11. 3. Saniya taamacogo la: Jehowa b’a fɛ a batobagaw ka taama tuma bɛɛ i n’a fɔ Krecɛn lakikaw. (1 Piɛre 2:12) An bɛ fɛn o fɛn kɛ, hali dogo la, Ala ɲɛ b’o la. (Heburuw 4:13) An k’an tanga jantaraya ni nin diɲɛ kɛcogoya nɔgɔlen tɔw ma.—1 Kɔrɛntekaw 6:9-11. 4. Saniya miiriya la: N’an bɛ miiri fɛn saniyalenw ni fɛ senumanw na, an taamacogo bɛna saniya fana. (Filipekaw 4:8) Nka, n’an bɛ miiri fɛn nɔgɔlenw na, o kɔ bɛna kɛ ko jugu kɛli ye. (Matiyu 15:18-20) Ɲɛnajɛ sugu minnu bɛ se k’an hakili nɔgɔ, an ka kan k’an tanga olu bɛɛ ma. N’an bɛ Ala ka kuma kalan tuma min na, an bɛ se ka miiri fɛn saniyalenw na. 5. Saniya farikolo la: Ikomi u ye Jehowa ka lasigidenw ye, Krecɛnw farikolow n’u ka finiw ka kan ka saniya. An b’an tɛgɛ ko n’an bɔra ɲɛgɛn na, wa, an b’u ko fana sanni an ka dumuni kɛ walima, ka suman baara. Ni ɲɛgɛn bɔcogo ɲuman t’an bolo, an ka kan ka ɲɛgɛn nɔgɔw bɛɛ kɛ dingɛ kɔnɔ k’u datugu. (Dutɛrɔnɔmɛ 23:12, 13) Ka jɛya farikolo la, o b’an dɛmɛ ka to kɛnɛya la. Krecɛn ka so ka kan ka labɛn. A ka so kɔnɔna n’a kɛnɛmana ka kan ka jɛya. A ka kan ka kɛ misali ɲuman ye a ka kin kɔnɔ. 6. Saniya kuma na: Ala ka baarakɛlaw ka kan ka tiɲɛ fɔ tuma bɛɛ. Nkalontigɛlaw tɛna don Ala ka Masaya la. (Efesekaw 4:25; Jirali 21:8) Krecɛnw tɛ kuma jugu fɔ. U tɛ tulonkuma, walima maana nɔgɔlenw lamɛn walima k’u fɔ. Ikomi u bɛ kuma jɛlenw fɔ, o bɛ danfara don u ni tɔw cɛ baarakeyɔrɔ la, walima kalanso la, ani u sigida la.—Efesekaw 4:29, 31; 5:3.
|
A dilanna san 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
