Ala bɛ min wajibiya i ma i bɛ se k’o dɔn cogo min na

1. Bibulu ye nilifɛn ɲumanba dɔ ye ka bɔ Ala yɔrɔ. A bɛ iko bataki min bɔra fa kanubaganci dɔ yɔrɔ ka na a denw ma. A bɛ tiɲɛ fɔ an ye Ala ko la: a ye jɔni ye, an’a ka sariyakolow ye mun ye. An bɛ se ka kunkow kunbɛn cogo min na, an’an bɛ se ka hɛrɛ lakika sɔrɔ cogo min na, olu ɲɛfɔlen b’a kɔnɔ. An ka kan ka min kɛ walasa an ko ka diya Ala ye, Bibulu kelenpe de b’o fana fɔ an ye.—Zaburu 1:1-3; Esayi 48:17, 18.

2. Bibulu sɛbɛnna cɛ 40 fɛ, san 1 600 kɔnɔ. A daminɛna san 1513 la kristatile ɲɛ. Kitabu misɛn 66 dalajɛlen de ye Bibulu ye. Ala y’a ka hakili senu fiyɛ a sɛbɛnbagaw la. U ye ale ka miiriyaw sɛbɛn, u yɛrɛ taw tun tɛ. O la sa, dugukolo kan mɔgɔ si tɛ Bibulu tigi ye fɔ Ala min bɛ sankolo la.—2 Timote 3:16, 17; 2 Piɛrɛ 1:20, 21.

3. Ala y’i janto a la walasa kuma minnu bɛ Bibulu kɔnɔ, o kuma kelenw ka sɛbɛn tigitigi furajɛw kan, k’u mara. Bibulu bɛɛ minnu bɔra, olu ka ca ka tɛmɛ gafe tɔw bɛɛ kan. Mɔgɔ dɔw tɛna nisɔndiya ka i ye Bibulu kalanni na. Nka, i kana a to o k’i lajɔ. I ka sini banbali bɛ bɔ Ala ka dɔnniya sɔrɔli la, ani a sago kɛli la, hali ni dɔw b’i kɛlɛ.—Matiyu 5:10-12; Yuhana 17:3.

Copyright © 2006 Watch Tower Bible and Tract Society of Pennsylvania. All rights reserved.