1. Bibliatxa wali sumanak yatxtaxa. Ukanak yatiqxasaxa cristianjam sarnaqxañamawa (Efesios 4:22-24). Wiñay jakaña katuqañatakixa wali wakiskiriwa Bibliata yatxatañaxa (Juan 17: 3). Jaqi masimaxa Bibliat yatiñaparakiwa qhispiñapatakixa. Chiqa cristianonakaxa taqiniw yatiyapxañapa. Ukwa Diosax mayistu (Romanos 10:10; 1 Corintios 9:16; 1 Timoteo 4:16).
2. Kuntï yatiqaskta ukatxa familiaranakamaru, munat masinakamaru, ukat irnaqir jan ukaxa yatiqir masinakamaruwa nayraqat yatiyasma. Munasiñampi ukat llamp’u chuymampiw yatiyañama (2 Timoteo 2:24, 25). Ak amtapuniñäni, jaqixa sarnaqatas wal uñch’ukistu kuntï sisktan ukat sipansa. Ukatwa sum sarnaqañamaxa, sum sarnaqatamatxa ist’apxätamwa (Mateo 5:16; 1 Pedro 3:1, 2, 16).
3. Inasa tiempompixa Jehová Diosan Qhanañchirinakapampi chika yatiyiri sarañatakixa mayitanak phuqxchïta. Nayraru sartañatakixa uk lurañaxa wali wakisiriwa (Mateo 24:14). Jaqi masimaru wiñay jakaña katuqañapataki ukat Jehová Diosan yupaychiriparu tukuñapataki yanapt’asma ukhaxa, wali kusiskañapunïspawa (1 Tesalonicenses 2:19, 20). |
