Diosan yupaychirinakapaxa janiw q’añüpxañapäkiti – Aka chiqax Jehová Diosan Qhanañchirinakapankiwa

Aka chiqax Jehová Diosan Qhanañchirinakapankiwa

Beliefs

Future

¿Kunsa Diosax jiwasanakaru mayistu?

9 Yatichäwi

Diosan yupaychirinakapaxa janiw q’añüpxañapäkiti
	¿Kunatsa taqi kunan q’umäpxañasaxa? (1)
	¿Kun sañs muni yatichäwinak tuqit q’umäñaxa? (2) ¿Kun sañs muni sarnaqäwin q’umäñaxa? (3) ¿Kun sañs muni amuyun q’umäñaxa? (4) ¿Kun sañs muni janchi tuqit q’umäñaxa? (5)
	¿Kuna jan wali arunakasa jan parlañasäkaspa? (6)

1. Jehová Diosax q’umawa, qullänarakiwa. Yupaychirinakapaxa yatichäwinak tuqitsa, amuyunsa, jañchinsa, sarnaqäwinsa q’umäpxañapawa uk Diosax muni (1 Pedro 1:16). Dios nayraqatan q’umäñatakix wal ch’amachasiñasawa. Wali q’añu ñanqha pachanwa jakastanxa. Ukatxa jan walinak munir chuymanïtanwa, ukampis janiw atipayasiñasäkiti.

2. Yatichäwinak tuqita q’umäña: Jehová Diosaru luqtaña munasaxa, k’ari yupaychäwinakan yatichäwinakaparusa luräwinakaparusa jaytxañasawa. K’ari yupaychäwit mistxañasawa, janipuniw mitisiñasäkiti (2 Corintios 6:14-18; Apocalipsis 18:4). Kunatï Diosat chiqäki uk yatiqxasaxa, k’ari yatichirinakatxa amuyasiñasawa (2 Juan 10, 11).

3. Sarnaqäwin q’umäña: Yupaychirinakapax taqi chiqana cristianonakjama sarnaqapxaspa ukwa Jehová Diosax muni (1 Pedro 2:12). Jupax taqi kun uñji, kuntï jamasat lurasktan uks uñjiwa (Hebreos 4:13). Q’añunak lurañatsa, akapachan jan wali lurañanakapatsa jithiqtañasawa (1 Corintios 6:9-11).

4. Amuyun q’umäña: Sumanaka lup’iñäni ukhaxa ukarjamaw sum sarnaqarakiñäni (Filipenses 4:8). Ukat jan walinakaki lup’iskañäni ukhaxa jan walinakwa lurarakiñänixa (Mateo 15:18-20). Amuyusaru q’añuchiri jan wali luräwinak uñch’ukiñatxa jithiqtañasawa. Diosan Arupat yatiqasawa sumanak lup’iñänixa.

5. Janchin q’umäña: Cristianonakax Diosan yupaychiripätanwa ukatwa jañchisasa isisasa q’umäñapaxa. Bañor sarasasa, manq’anak apnaqañatakisa ampar jariqasiñasawa. Utasan bañox jan utjchi ukhaxa, laq’ar allintañasawa (Deuteronomio 23:12, 13). Q’um sarnaqasaxa k’umarakiw sarnaqastanxa. Cristianonakan utanakapax anqäxatsa manqhäxatsa suma apthapt’ata q’umäñapawa, janiw q’añüñapäkiti. Comunidadansa q’uma sarnaqirit uñt’atäpxañapawa.

6. Suma arunak parlaña: Diosan yupaychirinakapax chiq parlapxañapawa. K’arisirinakax janiw Diosan Apnaqäwipar mantapkaniti (Efesios 4:25; Apocalipsis 21:8). Cristianonakax janiw q’añu arunak parlapkiti. Janiw larusiñataki jan wali arunaka parlapkiti, janirakiw q’añu lurañanakatsa parlapkiti. Irnaqäwinsa yatiqañ utansa markapansa sumanak parlirita uñt’atäpxiwa (Efesios 4:29, 31; 5:3).

Diosan yupaychirinakapaxa taqi kunan q’umäpxañapawa

2005 maran luratawa
Copyright © 2008 Watch Tower Bible and Tract Society of Pennsylvania. All rights reserved.