 |
Beliefs | Future | Medical | Topics | Contact Us | Publications | Languages |
| MIˇ YEHˇ Aˇ DUÍ MAˆ -AHˇ‚ Aˇ GEU JEˇ SHAˇ MAWˆ TA? | Dzaw-eu-aˇ deuˆ 12  |
Dehˆziˇ hawˇ-eu, shiˇ-ahˇ taˇ huiˇ-eu gaˇ kawˆ |
|
 |
Aˇ dui dehˆ ziˇ-ahˇ, nawˇ aˇ joˆ haw mawˇ nya le? (1) Zaˇ laˆ yoeˇ-eu aˇ joˆ-ehˇ, noeˇ le? (1) |
|
Ka li zaˇ deuˇ maˇ ya luˇ maˇ ya sheˇ-iˇ ni aˇ dui aˇ joˆ-ehˇ mˇ nya ta? (2) |
|
Dzeˇ zaˇ diˇ sehˆeu bahˇ meh loˇ? (3) |
|
Dehˆ ziˇ-ahˇ maˇ taˇ huiˇ-eu mˇ jeˇ shaˇ k’awˆ aˇ geu jeˇ-a? (4) |
|
Shiˇ-euˇ gaˇ kawˆ Miˇ Yehˇ-eu zahˇ dawˇ k’oˆ dawˇ laˆ k’oeˇ aˇ joˆ-ehˇ taˇ la? (5) |
|
Zahˇ dawˇ k’oˆ dawˇ laˆ k’oeˇ shiˇ dawˆ-eu jeˇ-ahˇ, k’awˆehˇ taˇ meh lo? (6) |
1. Jeˇ Hoˇ Baˇ Miˇ Yehˇ-aˇ, dehˆ ziˇ-euˇ dawˇ pehˇ pyeuˆ-eu meh. Yaw dehˆ dehˆ-eu jeˇ dawˇ tawˆ luˆ aˇ yawˆ laˆ k’oeˇ neh doˆ le-euˇ meh. (Ja ceuˇ 36:9) Dehˆ ziˇ-aˇ, Miˇ Yehˇ g’ aˇ duˇ aˇ poeˇ baw-eu meh. Aˇ ma uˇ maˆ laˆ k’oeˇ dzeuˇ luˆ-eu zaˇ k’awˆ, Jeˇ Hoˇ Baˇ Miˇ Yehˇ mehˇ shi aˇ poeˇ k’aˆ dui dui-eu meh. Za-ahˇ yeh baw-ehˇ, jahˇ-eu, diˇ sehˆ-eu, jeˇ Miˇ Yehˇ mehˇ shi bahˇ dui dui-eu tiˇ jeˇ meh.–Doˆ-iˇ 21:22, 23; Ja ceuˇ 127:3.
2. Maˇ maˇ ni g’eh-eu ka li zaˇ deuˇ-aˇ, lehˇ-iˇ tsa-iˇ-eu jeˇ-ahˇ, yahˇ luˆ-eu meh. Aˇ yawˆ maˆ, (Lo, lawˇ liˇ) nymˇ jiˇ deuˇ-ahˇ maˇ bi cha-iˇ ni ya haw lahˇ-eu meh. (Dawˇ mehˇ 22:8) Miˇ Yehˇ-euˇ zaˇ k’aˆ deuˇ-aˇ maˇ tsaˇ maˇ dawˇ-eu, yaw byawˇ jeˇ maˇ mˇ-a. Teu baˇ da neh, niˇ g’aˆ-eu laˆ k’oeˇ k’awˆ aˇ tsawˇ-ahˇ naˇ leˇ ni maˇ jahˇ-a, Aˇ yawˆ maˆ cha-iˇ-eu laˆ k’aˇ cehˇ-awˇ, byaw-eu muˆ-eu jeˇ-ahˇ, gaˇ jaw jaw dzeuˇ-eu meh.–Ja ceuˇ 11:5; Yoˇ haˇ 13:35. 3. Jeˇ zaˇ ziˇ deuˇ k’awˆ Beh-euˇ yaw sahˇ g’aˇ duˇ huiˇ-eu meh. (Jeˇ zaˇ sheˆ-awˇ, baˆ koˆ mehˇ tsoeˇ deuˇ k’awˆ guˆ dm nya-eu meh. Jeˇ zaˇ tsawˇ haˇ-ahˇ tiˇ jeˇ jeˇ dzahˇ laˇ-awˇ,laˆ tahˇ la naˇ laˆ naˇ, diˇ sehˆ nya meh. (Aˇ dahˇ beh 3:21; 9:3; Doˆ-iˇ-eu 21:28) Jeˇ zaˇ-ahˇ k’aˇ diˇ sehˆ mawˆ-eu loˆ-ehˇ diˇ sehˆ-eu niˇ g’a duˇ-ahˇ tsahˇ g’eh-awˇ kawˆceh bi ceh-eu jeˇ mˇ-eu-aˇ, bahˇ-eu meh.–Dawˇ daˇ 12:10. 4. Yaˆ k’awˇ dawˇ-eu. Lu paˆ g’oˇ-eu, Yehˆ laˇ-eu jeˇ dzaˇ-eu, heu deuˇ mˇ-eu-aˇ, ka li zaˇ deuˇ, gaˇ maˇ ngeuˇ-a. Heu deuˇ mˇ-eu-aˇ, bahˇ-eu tiˇ jeˇ meh. Aˇ jeˇ mi neh-ehˇ naˇ (1) Aˇ dui aˇ yawˆ-eu zaˇ k’aˆ ma. (2) G’awˇ mawˇ-ahˇ la cawˆ-eu jeˇ meh. (3) Dzawˆ dui dui-eu jeˇ pyeuˆ-eu meh. (Loˇ maˆ 6:19; 12:1, 2; 2 Gawˇ liˇ tu 7:1) Gaˇ heu deuˇ byehˇ jeh-eu k’awˆ, yaw shaˇ meh. Ehˇ k’awˆ Jeˇ Hoˇ Baˇ Miˇ Yehˇ nui noeˇ tsaˇ niˇ gaˇ kawˆ teu deuˇ-ahˇ ya biˇ dzeh meh. 5. Shiˇ-aˇ Miˇ Yehˇ mehˇ shi, aˇ poeˇ k’aˆ dui dui-eu meh. Miˇ Yehˇ-ehˇ-eu, dehˆ ziˇ (maˇ ngeuˇ naˇ) Saˆ laˇ g’awˇ mawˇ-aˇ, shiˇ laˆ k’oeˇ uˇ-eu meh. Teu baˇ da neh shiˇ dzaˇ-eu jeˇ-aˇ, bahˇ-eu meh. Shiˇ maˇ dzeˇ-iˇ-euˇ, shaˇ jiˇ dzaˇ-eu k’awˆ, bahˇ-eu meh. Paˆ sehˆ-eu shaˇ jiˇ dzaˇ-eu k’awˆ maˇ tsaˇ-a. Beuˆ sehˆ-eu, cawˆ sehˆ-eu, shaˇ jiˇ dzaˇ mawˆ naˇ shiˇ yaw kawˇ-ehˇ ya bi yoeˇ dzeh meh.–Aˇ dahˇ beh 9:3, 4; Uˇ duˇ tahˇ 17: 13, 14; G’aˇ k’ehˇ 15:28, 29. 6. Shiˇ dawˆ-eu bahˇ meh loˇ? Jeˇ Hoˇ Baˇ Miˇ Yehˇ shiˇ-ahˇ lah-awˇ lehˇ-ehˇ-eu, nawˇ ngehˇ-eu maˇ tsaˇ-a. Ehˇ mawˆ-eu-aˇ, aˇ tsawˇ-eu shiˇ maˇ-ehˇ, yawˇ ha-euˇ shiˇ yuˇ doˆ-awˇ dawˆ nehˇ-eu maˇ-ehˇ, mˇ-eu maˇ tsaˇ-a. (G’aˇ k’ehˇ 21:25) Teu miˇ neh, maˇ jawˆ ni g’eh-eu ka li zaˇ deuˇ-aˇ, shiˇ maˇ dawˆ-a. Aˇ yawˆ maˆ-aˇ shiˇ maˇ ahˇ-eu jeˇ-ahˇ g’oe-awˇ, bi la saˆ-eu meh. Aˇ yawˆ maˆ dehˆ ziˇ za mawˆ miˇ neh, Miˇ Yehˇ zahˇ dawˇ k’oˆ dawˇ-ahˇ, bahˇ iˇ-eu jeˇ maˇ mˇ-a.–Maˇ tehˇ 16:25. |
||
2007 Boˆdoˆ -eu aˇ k’oˆ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
