 |
Beliefs | Future | Medical | Topics | Contact Us | Publications | Languages |
| MIˇ YEHˇ Aˇ DUÍ MAˆ -AHˇ‚ Aˇ GEU JEˇ SHAˇ MAWˆ TA? | Dzaw-eu-aˇ deuˆ 2  |
Miˇ Yehˇ aˇ shuˇ g’aˇ pyeuˆ ta? |
|
 |
Maˇ maˇ ni g’ eh-eu Miˇ Yehˇ aˇ shuˇ g’aˇ-a? Aˇ yawˆ-euˇ tsawˇ myahˇ aˇ joˇ kuˇ ta? (1-2) |
|
Aˇ yawˆ mawˇ do aˇ joˇ g’eh ta? (3) |
|
Aˇ yawˆ-eu sheu dzeuˆ jawˇ g’ehˇ aˇ joˇ g’eh ta? (4) |
|
Aˇ dui g’oe duˇ tahˇ pahˇ aˇ ma mawˇ kawˇ-ahˇ g’oe-awˇ uˇ duˇ tahˇ-eu tsaˇ meh loˇ? (5) |
|
Miˇ yehˇ gaˇ kawˇ dzaw geuˆ-eu gaˇ kawˆ nyiˇ kawˆ jaˆ-eu aˇ jeˇ-a? (6) |
1. Tsawˇ haˇ zaˇ g’awˇ mya jeˇ-ahˇ, uˇ duˇ tahˇ-eu meh. Ehˇ k’awˆ jaˇ liˆ laˇ k’oeˇ, aˇ dui-ahˇ mehˇ nehˇ laˆ-eu Miˇ yehˇ tiˇ g’aˇ tehˆ-ehˇ jawˇ-eu meh. Mˇ miˇ dawˇ tawˆ luˆ-ahˇ aˇ yawˆ neh beh taˇ-euˇ meh. Aˇ yawˆ aˇ dui-ahˇ, dehˆ-eu jeˇ k’awˆ biˆ laˆ-eu meh. Teu baˇ da neh aˇ yawˆ ahˇ tehˆ-ehˇ uˇ duˇ tahˇ-eu tsaˇ meh.–1 Gawˇ liˆ tu 8:5-6; Pah mehˇ eu sahˇ boˆ 4:11.
2. Miˇ Yehˇ-euˇ, aˇ yaˇ g’awˇ mya jeˇ baw-eu meh. Ehˇ k’awˆ tsawˇ myahˇ tiˇ myahˇ tehˆ meh. Tsawˇ myahˇ k’oeˇ myahˇ-aˇ Jeˇ Hoˇ Baˇ lehˇ kuˇ-eu meh. Jaˇ liˆ laˇ k’oeˇ myaˇ myaˇ ni, Myˇ Yehˇ tsawˇ myahˇ shiˆ byoˆ-awˇ, Sahˇ Paˇ (maˇ ngeuˇ naˇ,) Miˇ Yehˇ tehˆ-ehˇ boˆ taˇ-euˇ meh. Aˇ dahˇ beh ngeh jaˇ liˆ laˇ k’oeˇ Jeˇ Hoˇ Baˇ lehˇ 7,000 tsahˇ boˆ ahˇ taˇ gaˇ ya mawˇ -euˇ ma.–Doˆ-iˇ 3:15; Ja ceuˇ 83:18. 3.Jeˇ Hoˇ Baˇ Miˇ Yehˇ-aˇ g’awˇ mawˇ baw-eu meh. Ehˇ k’awˆ aˇ dui-ahˇ maˇ duˇ-a, Aˇ jeˇ miˇ nehˇ-ehˇ naˇ yaw sahˇ-eu mawˇ doˆ pyeuˆ-eu miˇ neh meh. (Yoˇ haˇ 4:24) Yaw sahˇ-ehˇ -eu-aˇ aˇ dui taˇ-ehˇ huiˇ jehˇ mahˇ jehˇ-eu ziˇ tiˇ hmˇ meh. Tsawˇ haˇ tiˇ g’aˇ-iˇ, Miˇ Yehˇ ahˇ maˇ mawˇ haw-aˇ. Ehˇ k’awˆ aˇ yawˆ-aˇ miˇ tsaˇ k’oeˇ taˆ yawˇ gaˇ na luˆ, yawˇ jeˇ na luˆ mawˇ luˆ meh. (Ja ceuˇ 11:4-5, Yoˇ haˇ 1:18) Muiˇ-eu shawˇ-eu yaw sahˇ-a ˇ jeˇ a? Muiˇ-eu shawˇ-eu yaw shahˇ-aˇ, Miˇ Yehˇ loˆ-ehˇ g’awˇ mawˇ baw-eu maˇ ngeuˇ-a. Aˇ yawˆ-aˇ Miˇ Yehˇ-eu baoˇ hawˇ-eu g’aˇ pyeuˆ-eu meh.–Ja ceuˇ 104:30. 4. Jaˇ liˆ-aˇ Miˇ Yehˇ-eu nui noeˇ nui duˇ hawˇ-eu, mˇ jeˇ shaˇ kawˆ aˇ joˇ-ehˇ jaˆ-eu Gaˇ kawˆ mehˇ nehˇ laˆ-euˇ meh. Jaˇ liˆ-ahˇ mehˇ nehˇ laˆ-eu Miˇ Yehˇ-aˇ g’oeˇ-eu gaˇ-eu, tsaˇ leˇ dzoeˇ leˇ-eu, tsawˇ gahˇ byah-eu, hawˇ-eu baoˇ k’ahˇ sheˇ huiˇ dui dui-eu meh. (Dawˇ mehˇ mehˇ-eu 32:4; Yawˇ baˆ 12:13; Iˇsaˇ yaˇ 40:26; 1 Yoˇ haˇ 4:8) Jaˇ liˆ laˇ k’oeˇ, ehˇ taˇ-eu, Miˇ Yehˇ-aˇ g’awˇ shaˇ gaˇ nya-eu, iˇ baˇ pyehˇ nehˇ nya-eu, chaw ba nehˇ-nya-eu, oˇ coeˇ-eu, heu deuˇ tiˇ byah ahˇ-eu meh. Aˇ dui-aˇ, zaˇ naˇ haˇ geuˆ nya-eu loˆ-ehˇ aˇ yawˆ-ahˇ dzaw geuˆ eu tsaˇ jehˆ meh.–Eˇ peˇ suˇ 5:1-2.
5. Aˇ dui-aˇ tahˇ pahˇ aˇ ma mawˇ kawˇ baˆ taˇ-eu mehˇ shi, aw byaˆ-awˇ uˇ duˇ tahˇ-eu tsaˇ meh lo? Maˇ tsaˇ-a. (Doˆ Iˇ 20:4, 5) Jeˇ Hoˇ Baˇ Miˇ Yehˇ tiˇ g’aˇ-ahˇ tehˆ-ehˇ uˇ duˇ ya tahˇ-eu meh lehˇ,-ehˇ taˇ euˇ meh. Aˇ yawˆ-eu, aˇ yaˇ hawˇ-eu, baoˇ k’ahˇ sehˇ, tsawˇ haˇ zaˇ hawˇ-eu tiˇ jeˇ-ahˇ-i, maˇ biˆ nehˇ-a. Tahˇ pahˇ aˇ ma mawˇ kawˇ-aˇ, Aˇ dui-ahˇ caw ba nehˇ laˆ nya ni tiˇ jeˇ-iˇ baoˇ maˇ jaˆ.–Ja ceuˇ 115:4-8; Iˇ saˇ yaˇ 42:8. 6. Aˇ joˇ g’eh-awˇ neh aˇ dui Miˇ Yehˇ-ahˇ shiˇ duˇ jehˇ nya laˇ nmˇ? Tiˆ, Aˇ yawˆ neh beh taˇ-eu yawˇ jeˇ na luˆ-ahˇ haw-awˇ, yaw muiˇ paˇ-ehˇ saˇ noeˇ haw ngeh, yawˇ jeˇ na luˆ Miˇ Yehˇ-eu baoˇ nui gahˇ, aˇ naˆ ni huiˇ-eu, g’awˇ shaˇ gaˇ-eu, jeˇ aˇ dui-ahˇ pah mehˇ nehˇ laˆ-eu meh. (Ja ceuˇ 19:1-6; Loˇ maˆ 1:20) Nyiˇ jeˇ tiˆ jeˇ, Jaˇ liˆ-ahˇ dzaw-eu baˇ da neh aˇ dui shiˇ nya-eu ma. Jaˇ liˆ laˇ k’oeˇ, Miˇ Yehˇ aˇ joˇ pyeuˆ-eu aˇ yawˆ nui noeˇ aˇ joˆ-ehˇ ya mˇ-eu, aˇ yawˆ mawˆ-eu jeˇ aˇ dui-ahˇ mehˇ nehˇ laˆ-eu meh.–Aˇ moˆ 3:7; 2 Tiˇ moˇ seˇ 3:16, 17. |
|
2007 Boˆdoˆ -eu aˇ k’oˆ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
