1. Bu vaxtacan Müqəddəs Kitabdan çox yaxşı şeylər öyrəndiniz. Bu biliklər, özünüzdə məsihçi şəxsiyyətini yetişdirməkdə sizə kömək etməlidir (Efeslilərə 4:22-24). Müqəddəs Kitab biliklərini əldə etmək əbədi həyata nail olmanız üçün vacibdir (Yəhya 17:3). Lakin xilas ola bilmələri üçün, xoş xəbəri başqa insanlar da eşitməlidirlər. Məsihin həqiqi davamçılarının hamısı başqa insanlara şəhadətlik etməlidirlər. Bu, Allahın tapşırığıdır (Romalılara 10:10; 1 Korinflilərə 9:16; 1 Timoteyə 4:16).
2. Öyrəndiyiniz yaxşı şeylər haqda yaxınlarınızla bölüşə bilərsiniz. Bu barədə ailənizin üzvlərinə, dostlarınıza, məktəb və iş yoldaşlarınıza danışın. Bu zaman xeyirxah və səbirli olmalısınız (2 Timoteyə 2:24, 25). Yadda saxlayın ki, insanlar çox vaxt sözünüzə deyil, əməllərinizə fikir verirlər. Buna görə də insanları, təbliğ etdiyiniz xoş xəbərə məhz yaxşı davranışınızla cəlb edə bilərsiniz (Matta 5:16; 1 Peter 3:1, 2, 16).
3. Ehtimal ki, siz, bir qədər vaxtdan sonra Yehovanın Şahidlərinin yığıncağı ilə birlikdə, yaşadığınız ərazidə təbliğ etmək hüququna malik olacaqsınız. Bu, irəliləmənizdə ən mühüm addımdır (Matta 24:14). Başqalarına Yehovanın xidmətçisi olmağa və əbədi həyatı miras almağa kömək etmək necə də sevindiricidir! (1 Saloniklilərə 2:19, 20). |
