Mipiri’ Toha Sapihodopaw to Kawas

1. Ano hasapisawidangaw to Kawas kiso, oha papairaen iso ko ’ihkalay anoka fana’ to kimad no Fangcalay Cudad (1 Timoti 2:3,4), pairaen ko pakaso’linay no faloco’ tora mahatatanamay iso a dmak (Hipray 11:6), pairaen ko patatikolay faloco’ to raraw no niyah (Dmak 17:30,31), misa’icel kiso misalof a mafalic. (Dmak 3:19) Ikor nora, ora olah iso to Kawas oha papa ira to harateng toha sapipatafangaw iso Cingraanan. O tatodong nora mipatafangay hananay, wa itini kiso ino tekedan mitolon to Kawas, pasowal Cingraanan toha papatafangen iso ko niyah, mihakelong to harateng Ningra i hakelong no ’orip iso.—Matay 16:24; 22:37.

2. Mahrerek kiso patafang to niyah i Kawas ikor, oha mami cada to kiso to ino’. (Matay 28:19,20) Ora noka piino’ iso oha nganga’ay mafana’ ko ’alomanay, mahrekay to mipatafang to tireng kiso i Kawasan. Misahatilaay haw i, o ’dengan oya iraay toko mihcaan toha nganga’ay ko niyah misa’osi toha sapi hodopaw to Kawas a tamdaw, koha nganga’ay micada to ino’. Ano micada to ino’ ko tamdaw i, mipatoleman ko kihcod tireng ilaloma’ no nanom.—Marko 1:9,10; Dmak 8:36.

3. Mipatafang to kiso to niyahan ikor, o saeli ni Yihofa kisowanan oha tatooren iso kora miki’okan no faloco’ iso. (’Olic 50:14; Patnakay 5:4,5) Ci Akoma oha mamisa’icel miconged kisowanan tora hasapihodopaw iso to Kawas. (1 Pitiro 5:8) Kawra, mitolon a mingata to Kawas. (Filipi 4:6,7) To romi’ami’ad mickiw a mi’osi to kimad Ningra. (’Olic 1:1-3) Kedecen a mitadiec ko kasakopang. (Hipray 13:17) Ano misaso’lin kiso midmak toniya pina dmak, oha aira toko ’icel iso padadotoc a madimadi to Kawas. Ano hatila i, oha nganga’ay matoor iso kora saeli no Kawas, tahila i da’oda’oc!

Ciharatengay kiso sapilifokaw to adihayay aa ratakaw anca micadato caay pili’aca a pickiw to Fangcalay Cudad han? Nga’ayay patikamien ko Misawacayay ni Yihofa a Tamdaw. Ciwsiw

Copyright © 2006 Watch Tower Bible and Tract Society of Pennsylvania. All rights reserved.