1. Nohatini, adihayay to kora mahatatanamay iso a fangcalay sakafana’ no Fangcalay Cudad. Orira sakafana’ oha papadama kisowanan palahad to capling no Krisciyang. (Ifiso 4:22-24) Ano miharatengay kiso toha sapilifokaw to hasaka tahada’ocaw no ’orip, irako hatiniay a sakafana’ wanga! (Yohani 17:3) Kawraan, o masakalimlaan no romaroma tamdaw kohasa pakatngilaw to nga’ayay lihaf wanga’ malidong ko ’orip nangra. O so’linay Krisciyang ma^min oha mamisawacay to tamdaw. O sacolcol no Kawas koninian.—Loma 10:10; 1 Korinto 9:16; 1 Timoti 4:16.
2. Isalakat, nga’ayay oya kafana’an iso tamdaw ko papasowalen iso tora fangcalay a mahatatanamay iso a sakafana’. O paro no loma’, widang, cafacafay mitilid, cafay iso dadmak, nga’ayay pasowalen iso cangra. Ano pasowal to tamdaw i, ka’peden ko waywayan, hanaca pairaen ko ma’imeray faloco’. (2 Timoti 2:24,25) Haratengen, o tamdaw mihapinangay to waywayan no roma a tamdaw, mikikaka’ay tonoka pihapinang to sowal nangra. Misahatiraay haw i, ora makapahay waywayan no miso oha mamisorot to roma a tamdaw, wa mahmek cangra a mitengil tora patenakan iso a lihaf.—Matay 5:16; 1 Pitiro 3:1,2,16.
3. Mataelif toko ccay a liyad, waira toko hatatodong iso, milienang to itiraay Misawacayay ni Yihofa a Tamdaw masadak mitosil i tamdaw. O tada masakalimlaan anoka cakat iso koni. (Matay 24:14) Ano nga’ay mapadama iso ko tamdaw mala sikawdan no Kawas, milifok to tahada’ocay a sakalipahak, tadata’angayay hasakahmek iso kora!—1 Tisalonika 2:19,20. |
