 |
Beliefs | Future | Medical | Topics | Contact Us | Publications | Languages |
| O Kawas Pakayni Kitaanan Iraay Ko Masamaanay a Saeli? | Saka 8 a Lalangiyan  |
O Kahmekan no Kawas A Ka’orip no Paro no Loma’ |
|
 |
O fa’inay itini i paro no loma’ samaanay ko sa’aroan? (1) |
|
Ohamami samaan ko fa’inay itini noka picada to fafahi? (2) |
|
Iraay ko maanan ’inorong no malawamaay tamdaw? (3) |
|
O fafahi itini i paro no loma’ samaanay ko sa’aroan? (4) |
|
Iraay ko masamaanay saeli no Kawas to wama wina ato wawa? (5) |
|
Pakayni to masasiekeday ato malacinowasay ko raramod samaanay konoka pinengneng no Fangcalay Cudad? (6, 7) |
1. O sowal no Fangcalay Cudad o tawki no paro no loma’ ko fa’inay sanay. (1 Korinto 11:3) O fa’inay nga’ayay ccay aca ko fafahi. Oha mamido’do to sa’osi no sarikec no mirikecay a mararamod cangra.—1 Timoti 3:2; Titus 3:1. 2. O fa’inay oha kakaolahen ko fafahi, hatila o nikaolah to niyahan. Ano samaanay konoka picada ni Yis toya mihakelongay cingraanan tamdaw, oha mamihaen ko fa’inay a micada to fafahi. (Ifiso 5:25,28,29) O fa’inay cuwa koha nganga’ay misti’ to fafahi anoca misamaamaan a misamsam cingraanan. O fa’inay oha mamisa’areteng to fafahi.—Kolosay 3:19; 1 Pitiro 3:7. 3. O malawamaay tamdaw oha mamisa’icel dadmak, toha sapidimukusaw to paro no loma’. Oha mami dama cingra toha saka’orip no fafahi ato wawa, o saeli nangra itini i ca’dong, kakaenen ato pikihidingan a loma’. Ora roma oha mamidimukus ko fa’inay to masakalimlaan ino ’adingoan no paro no loma’. (1 Timoti 5:8) O cingra koha mamikayat toha sapadamaaw to paro no loma’ cipinang to Kawas atora harateng Ningra.—Limo’ot 6:4-9; Ifiso 6:4. 4. O fafahi o dama no fa’inay. (Satapangan 2:18) O papadama cingra to fa’inay itini noka palomahad to wawa. (Taneng 1:8) O sa’osi ni Yihofa to fafahi oha mamikaolah cingra midimukus to paro no loma’. (Taneng 31:10,15,26,27; Titus 2:4,5) Oha mamisaso’lin a misa’areteng to fa’inay cingra.—Ifiso 5:22,23,33. 5. O sa’osi no Kawas to wawa oha mamihakelong cangra to wama wina. (Ifiso 6:1-3) O wama wina oha papakafana’ halo misalof to wawa. Oha mami limasmas cangra to toki toha sapacafayaw to wawa, pasifana’en ko wawa to Fangcalay Cudad, midimokos kono ’adingoan ato no faloco’an nangra. (Limo’ot 11:18,19; Taneng 22:6,15) Ano mirikec to wawa cuwa koha nganga’ay tadapakidem ko pakayraan anoca mipekpek to wawa.—Kolosay 3:21.
6. O mararamoday ano ’caka nga’ay konoka lala’ed nangra, haklongen ko sarikec no Fangcalay Cudad, misa’icel a misalof tora pasangal nangra. Sapakalalok no Fangcalay Cudad kitaanan pa’ihkalen ko ciolahay faloco’, kaliki a misodod sanay. (Kolosay 3:12-14) Ano fekad saho ko miming pasangal tangsol saan malaliyas cuwaka saan a pakalalok ko kimad no Kawas. Kawraan, o fafahi ano misi’ayaway to hatilaay ora ilaeno’ay a pakayraan: (1) O fa’inay ningra samaamaanen cuwa kakahi midimokos to saka’orip no paro no loma’, (2) Tadamari’ang ko fa’inay to fafahi, midoka’ to tireng ningra anoca hasaka patapatayaw to, (3) Tadapakidem ko fa’inay miconged to fafahi hato awa toko pakayraan ningra midoko ci Yihofaan, ano irako hatilaay pakayraan i, oha nganga’ay cingra misi^iked a malaliyas to fa’inay.—1 Korinto 7:12,13. 7. Ora mararamoday tatosa oha mamadimadi cangra to raramod no niyah. Ano ma’odang ko tamdaw, tada o pakangodoay to raramod, hanaca tada pakangodoay to Kawas. (Hipray 13:4) ’Dengan ccayay kora mihaiyan no Fangcalay Cudad toha sakalacinowasaw no raramod ato nga’ay paliyaw ciraramod, oiyaan ano ’caka madimadi, maa’odang to roma tamdaw. (Matay 19:6-9; Loma 7:2,3) O tamdaw ano cuwa ko pakayniay tora mihaiyan a lalangian no Fangcalay Cudad ko sakalacinowas to raramod, a ciraramod to roma tamdaw, o hatiniay waywayan tada o ka’intehan ni Yihofa.—Malaki 2:14-16. |
||
2003 Mihca Topangen |
 |
Copyright © 2006 Watch Tower Bible and Tract Society of Pennsylvania. All rights reserved. |
|
