Oha nganga’ay kiso misamaan a mafana’ to iraay ko masamaanay saeli no Kawas?

1. O Fangcalay Cudad o naitiraay i Kawas a masakalimlaan a sapakaolah a dafong. Onini a cudad mahcaday o sapa tikami no sida’itay a wama to wawa. O Fangcalay Cudad mifana’ay kitaanan to kimad no Kawas—cima cingra ato paliniyan ningra to misamaanay. Onini a cudad pakafana’ay kitaanan toha sasamaanen a misaysay ko pasangal, ato mamisamaan mikilim to so’linay a hmek. ’Dengan ko Fangcalay Cudad nga’ mifana’ay kitaanan, ano hapapakahmek to Kawas misamaan ko dmak nganga’ay.—’Olic 1:1-3; Isaya 48:17,18.

2. Misatapang mitilid to Fangcalay Cudad i li’ayaw ni Yis to 1513 a mihca, ora laloma’ nira maedng 40 ko tamdaw to mitiliday, naitira satapangan tahira i lahci 1,600 a mihca. Onini a cudad 66 a cacudadan ko pala’osiyay. O mitiliday to Fangcalay Cudad a tamdaw sahtoway o tahacadaay to sapatemer no Kawas. Ora mitilidan nangra cuwa kono niyah a harateng, ono Kawas a harateng. Mihaenay, O misanga’ay to Fangcalay Cudad o ikakarayan a Kawas, cuwa ko cimacima a tamdaw.—2 Timoti 3:16,17; 2 Pitiro 1:20,21.

3. Misawacayay ko Kawas too matatodongay ato awaay ko raraw to mitilidan hanaca matlek tahaanini. O ma’insacay a Fangcalay Cudad mikikakaay ko adihay to maamaanan a cudadan. Cuwaka sahtosa ko tamdamdaw to maolahay tisowanan a mi’osi to Fangcalay Cudad, kawraan, akaka hawad saan, ora saka tahada’ocaw iso a ma’orip oha mamisamaan, o pakayraay tonoka ’ca pisikor to sapalak, a misa’icel a mafana’ to Kawas, halo noka miso’lin a mihaklong to harateng ningra.—Matay 5:10-12; Yohani 17:3.

Copyright © 2006 Watch Tower Bible and Tract Society of Pennsylvania. All rights reserved.