Хэт щыща Хьисэ пегъэмбарыр?

1. Хьисэ чІыгум къэмыкІозэ уашъом щыпсэущтыгъэ, мэлэІичэу щытыгъ. Хьисэ апэдэдэу Тхьэм къыгъэхъугъ, ащ пае апшъэ щыІэу ЫкъокІэ заджэхэрэр (Колоссэ 1:15; Іофхэу 3:14). Тхьэм ежь-ежьырэу ышІыгъэу щытыр — ыкъо закъоу Хьисэ. Хьисэ цІыфэу къэхъуным ыпэкІэ, ар Иеговэ «ІэпыІэгъоу» чІыгумрэ уашъомрэ ешІыфэ иІагъ (ГущыІэжъхэу 8:22—31; Колоссэ 1:16, 17). Тхьэм ар лІыкІо пащэу ыгъэфедагъ. Ащ пае Хьисэ Тхьэм и «ГущыІэкІэ» еджэх (Иуан 1:1—3; Іофхэу 19:13).

2. Хьисэ игъашІэ Тхьэм Мерэм ышъо хилъхьи чІыгум къыгъэкІуагъ. Ащ пае Хьисэ цІыфхэм ащыщэу ты иІагъэп ыкІи гунахь шІагъэ къынэсыгъэп, щыкІагъэ зимыІэ цІыфэу щытыгъ. Тхьэм Хьисэ чІыгум къыгъэкІуагъ 1) Тхьэм ехьылІагъэ шъыпкъагъэхэр цІыфхэм аригъэшІэнэу (Иуан 18:37), 2) мыхъун зыпари къыхэмыфэу, ар тэ щысэтехыпІэ къытфэхъунэу (1 Петрэ 2:21), ыкІи 3) ыпсэ къурмэныпхъэ къытфишІыгъ, гунахьымрэ лІэныгъэмрэ къыттрихын пае. Сыд пае ар ищыкІагъэ хъугъэ? (Маттэ 20:28).

3. Апэрэ цІыфэу Адэм Тхьэм иунашъо ымыгъэцакІэу, Тхьэм и ГущыІэр «гунахькІэ» заджэрэр ышІагъ. Ащ пае Тхьэм Адэм лІэныгъэ тырилъхьагъ (1 Мусэ 3:17—19). Ар ТхьэмкІэ шапхъэу щытыжьыгъэп, ащ пае Адэм щыкІагъэ зимыІэ цІыфэу къэнэжьыгъэп. Адэм игъорыгъоу жъы хъугъэ ыкІи лІагъэ. Ащ псэкІодшІэныр илъфыгъэмэ зэкІэми яІэхэу хъугъэ. Ащ пае тэри жъы тэхъу, тэсымаджэ ыкІи тэлІэ. Сыдэущтэу цІыфхэр ащ щыухъумагъэ хъущтха? (Рим 3:23; 5:12).

4. Хьисэ Адэм фэдэу цІыф щыкІагъэ зимыІэу щытыгъ. Ау Адэм елъытыгъэмэ Хьисэ анахь къиныгъо ифагъэми Тхьэм едэІущтыгъэ. Ащ пае Адэм ипсэкІодшІагъэ Хьисэ ттрихын ылъэкІыщтыгъэ, ыпсэ щыкІагъэ зимыІэ къурмэныпхъэ къытфишІыгъ. Ащ ехьылІагъэу Тхыгъэ ЛъапІэм «ыпсэ шъхьэщэфыжьэу цІыф пстэуми апае зэритыгъэр» къыщеІо. Джащ пае цІыфхэм лІэныгъэм зыщаухъумэн алъэкІыщт. Хьисэ шІошъхъуныгъэ пытэ фызиІэм псэкІодэу ышІагъэр фэгъунэу амал иІ ыкІи егъашІэрэ щыІэныгъэ ыгъотыщт (1 Тимофей 2:5, 6; Иуан 3:16; Рим 5:18, 19).

Хьисэ чІыгум къыкІэкІуагъэр цІыфхэр ригъэджэнхэу, Іоф гъэшІэгъонышхохэр къыгъэлъэгъонхэу ыкІи ыпсэ къурмэныпхъэ къытфишІынэу

5. ЧІыгум щыпсэуфэ Хьисэ сымаджэхэр ыгъэхъужьыщтыгъэх, мэлакІэ лІэхэрэр ыгъашхэщтыгъэх, хы орыр ыгъэІасэщтыгъ. Ащ лІагъэхэр къыгъэхъужьыщтыгъэх. Сыда ащ фэдэ Іоф гъэшІэгъонышхохэр зыкІишІыщтыгъэхэр? 1) Ащ къин зылъэгъурэ цІыфхэм агу егъущтыгъ ыкІи ахэм ІэпыІэгъу афэхъунэу фэягъ. 2) Ащ иІоф гъэшІэгъонхэр къагъэшъыпкъэщтыгъэ Хьисэ Тхьэм Ыкъоу зэрыщытыр. 3) А Іоф гъэшІэгъонхэм къагъэлъагъощтыгъэ Тхьэм едэІурэ цІыфхэм афишІэщтыр пачъыхьа дунаем зыфэхъукІэ (Маттэ 14:14; Марк 2:10—12; Иуан 5:28, 29).

6. Хьисэ зэлІэм Тхьэм къыгъэхъужьыгъ ыкІи мэлэІич фэдэу уашъом ыгъэзэжьыгъ (1 Петрэ 3:18). Уахътэ тешІагъэу Тхьэм ар Пачъыхьэу ышІыгъ. Мы уахътэ къэблагъэрэм Хьисэ емрэ къиныгъомрэ дунаем щымыІэжьынэу ышІыщт (Сэбур 37:9—11; ГущыІэжъхэу 2:21, 22).

Copyright © 2009 Watch Tower Bible and Tract Society of Pennsylvania. All rights reserved.