 |
Beliefs | Future | Medical | Topics | Contact Us | Publications | Languages |
| Ngo ma Lubanga Mito ki Botwa? | Pwony me 12  |
Nyuto Woro pi Kwo ki Remo |
|
 |
Omyero wanen kwo nining? (1) oyo ic kono? (1) |
|
Yo ango ma Lukricitayo ginyuto kwede ni giparo pi gwokke? (2) |
|
Neko lee mono rac? (3) |
|
Kit tic ango mogo ma pe nyuto woro i kom kwo? (4) |
|
Cik pa Lubanga tye ningo i kom remo? (5) |
|
Man bene kwako medo remo i kom? (6) |
1. Jehovah aye obedo Wang It me kwo. Jami makwo ducu kwogi tye calo banya ma gunongo ki bot Lubanga. (Jabuli 36:9) Kwo pire tek bot Lubanga. Kadi kwo pa latin ma i minne pire tek bot Jehovah. Me neko latin ma kumeno ma tye ka dongoni akaka pe atir i wang Lubanga.—Nia 21:22, 23; Jabuli 127:3.
2. Lukricitayo me ada giparo me gwokke. Gineno ni motoka-gi ki odigi pe oromo kelo awano. (Nwoyo Cik 22:8) Lutic pa Lubanga pe giromo bolo kwogi i gin ma twero wanogi pi tuko nyo yom cwiny mamwa. Pi meno pe gidonyo i tuko me gero ma wano jo mukene akaka. Gikwero gallo wang ma cuko cwiny i timmo tim bwami.—Jabuli 11:5; Jon 13:35. 3. Kwo pa lee bene pire tek bot Lacwec. Lakricitayo romo neko lee me nongo cam ki ginaruka nyo me gwokke kene i kom two ki to. (Acakki 3:21; 9:3; Nia 21:28) Ento rac me tero lee i yo marac nyo me nekogi pi tuko nyo yomcwiny mamwa.—Carolok 12:10. 4. Mato taa, nyamo betel nut, ki tic ki yat ma mero dano pi yomcwiny pe obedo pi Lukricitayo. Tim macalo meno rac pien (1) giweko wadoko opii-gi, (2) giwano komwa, ki (3) gubedo jami macilo. (Jo Roma 6:19; 12:1; 2 Jo Korint 7:1) Twero bedo tek tutwal me weko kodi kwo-ni. Ento myero wawekgi wek wayom cwiny Jehovah. 5. Remo bene pire tek i wang Lubanga. Lubanga waco ni gin makwo, nyo kwo, tye i remo. Pi meno bedo rac me camo remo. Bene dok rac me camo ringo lee ma remone pe kiweko ocwer maber. Ka lee mo kideyo adeya nyo oto i owic, omyero pe kicam. Ka kicobo ki tong nyo kicelo acela, omyero kilar ngolone wek remo ocwer ka mitte ni gicam.—Acakki 9:3, 4; Lulevi 17:13, 14; Tic pa Lukwena 15:28, 29. 6. Bedo rac mono me ye medo remo i kom? Po ni, Jehovah mito ni omyero wawek remo obedi. Ma te lokke ni myero pe wamed remo pa jo mukene i komwa i yo mo keken nyo kadi bed remowa kikome ka nongo kong kigwoko cen. (Tic pa Lukwena 21:25) Pi meno Lukricitayo me ada pe giye medo remo i kom. Giye cango two i yo mukene, calo medo jami ma pii-pii ma remo mo pe iye. Gin gimito ni gikwo, ento pe gibitemo gwokko kwogi kun gituro cik pa Lubanga.—Matayo 16:25. |
||
Kigoyo i Mwaka 1996 |
  |
Copyright © 2006 Watch Tower Bible and Tract Society of Pennsylvania. All rights reserved. |
|
